Startup-i i Elon Musk, Neuralink, tha së fundmi se implanti i tij eksperimental që synon rikthimin e shikimit mori emërtimin “pajisje e avancuar” nga Administrata e Ushqimit dhe Barnave të SHBA-së. Etiketa e zbulimit të FDA-së u jepet pajisjeve të caktuara mjekësore që ofrojnë trajtim ose diagnostikim të kushteve kërcënuese për jetën. Bëhet fjalë për pajisjen eksperimentale, e njohur si Blindsight, që “do t’u mundësojë atyre që kanë humbur të dy sytë dhe nervin e tyre optik të shohin”-ka thënë Musk, në një postim në X.
Megjithatë, Neuralink nuk iu përgjigj menjëherë një kërkese që kërkonte detaje se kur pret që pajisja Blindsight të kalojë në provat njerëzore. E themeluar në vitin 2016 nga Musk dhe një grup inxhinierësh, Neuralink po ndërton një “çip të trurit” që mund të implantohet brenda kafkës, për të cilën thotë se përfundimisht mund të ndihmojë pacientët me aftësi të kufizuara të lëvizin dhe të komunikojnë përsëri, si dhe të rikthejë shikimin. Pajisja e Neuralink ka një çip që përpunon dhe transmeton sinjale nervore që mund të transmetohen në pajisje si një kompjuter ose një telefon.
Neuralink, ka bërë të ditur gjithashtu se si po ecën jeta e një personi tjetër me një implant të çipit në tru. Emri i këtij pjesëmarrësi në studim është Alex, dhe siç njoftoi Neuralink, shërimi po shkon pa probleme dhe ata ndanë disa detaje të tjera për jetën e tij të përditshme. Në një deklaratë, kompania u shpreh:
Që nga momenti i parë kur Alex lidhi çipin me kompjuterin, iu deshën më pak se pesë minuta që të fillonte të kontrollonte kursorin me mendjen e tij. Brenda pak orësh, ai tejkaloi shpejtësinë dhe saktësinë më të lartë të arritur nga teknologjitë e tjera ndihmëse deri në atë pikë.
