Sunny Hill Festival është në garë për të fituar çmimin si festivali më i mirë në Evropë. Është në listën e “European Festival Awards”, që ka më shumë se një dekadë që vlerëson festivalet më të njohura të Evropës. Kanë mbetur edhe gjashtë ditë për të votuar për “Sunny Hill Festival” si festivali më i mirë i mesëm në Evropë, çmim ky të cilin festivali mund ta fitojë nga shoqata evropiane e festivaleve, organizata më e madhe evropiane e cila vlerëson festivalet më të mira evropiane dhe kontributin e tyre në shoqëri.
Organizatorët e festivalit inkurajojnë ndjekësit e Sunny Hill që të tregojnë mbështetjen e tyre duke votuar për Sunny Hill Festival deri në mbyllje të votimit, i cili ndodhë më 20 nëntor. Për të votuar, mbështetësit duhet të ndjekin dy hapa të thjeshtë:
– Të klikojnë në këtë link të nominimeve.
– Të votojnë për Sunny Hill Festival në kategorinë e dytë me radhë, si “Festivali më i mirë i madhësisë mesatare”.
Çmimet e “European Festival Awards”, jepen për 13 kategori dhe përveç festivalit më të mirë të madhësisë së mesme, ku garon Sunny Hill që mbahet në Prishtinë, ka edhe kategori të tjera si: “Festivali më i madh në Evropë” dhe “Festivali me prurjet më të mira muzikore”. Në vitin 2022, koncerti përveç në Prishtinë është mbajtur edhe në Tiranë. Disa nga yjet e famshëm të pranishëm në “Sunny Hill Festival 2022” ishin J Balvin, Diplo, Skepta, AJ Tracey, Mahmood, Burak Yeter etj.
