Tetë persona kanë vdekur dhe 17 të tjerë janë plagosur, pas një sulmi me thikë në një shkollë në Kinë.
Sipas autoriteteve kineze, një student 21-vjeçar dyshohet se ka qenë autor i sulmit të kryer në qytetin Yixing, në provincën Jiangsu të Kinës.
Incidenti ndodhi në Kolegjin Profesional të Arteve dhe Teknologjisë Ëuxi rreth orës 18:30 (10:30 në MB) të shtunën, tha policia e Yixing.
Policia tha se i dyshuari, i identifikuar vetëm me mbiemrin Xu, u diplomua nga shkolla në fillim të këtij viti dhe ishte i zemëruar që nuk mori certifikatën e diplomimit.
Byroja e Sigurisë Publike Yixing shtoi se studenti, i cili gjithashtu u tha se ishte i pakënaqur me pagesën e tij të praktikës, u arrestua dhe pranoi krimin.
Incidenti vjen disa ditë pasi 35 persona u vranë në qytetin kinez të Zhuhai, kur një shofer me dashje futi një makinë në njerëz që ushtroheshin në një qendër sportive.
