Stuhitë dhe shirat e dendur lanë pa energji elektrike qindra mijëra njerëz në Lituani dhe Letoni.
”Rreth 165 000 familje në Lituani mbetën pa energji elektrike ose pësuan ndërprerje”, theksoi furnizuesi i energjisë, ESO.
”I gjithë vendi u prek, me kryeqytetin Vilnius dhe zonat përreth të prekura veçanërisht”, sipas agjencisë së lajmeve BNS.
Në Letoni, 37 000 klientë të operatorit të rrjetit ”Sadales Tīkls” mbetën pa energji elektrike.
Stuhia e dhunshme që goditi rajonin e Baltikut shkuli pemët, rrëzoi shtyllat dhe gjithashtu dëmtoi çatinë e Katedrales së Rigës.
Nënkryetari i bashkisë së kryeqytetit të Letonisë, Edvards Ratnieks, ka postuar një video të shkurtër në rrjetet sociale ku shihet era që fryn nën një pjesë të çatisë së katedrales, duke bërë që ajo të lëkundet.
Letonia pa gati një herë e gjysmë më shumë se mesatarja mujore kombëtare e reshjeve të korrikut midis të dielës dhe të hënës, sipas shërbimit meteorologjik të vendit.
