David Beckham ka bërë të ditur së fundmi se gruaja e tij Victoria ka thyer këmbën pasi u rrëzua gjatë një stërvitjeje. Ish-ylli i futbollit postoi një foto të këmbës së Victoria-s në Instagram, e cila e kishte vendosur në allçi. “Me sa duket incidenti i vogël i gruas sime në palestër ishte një thyerje e pastër”,-shkroi Beckham në Insta Story.
Victoria ditë më parë tha se e kishe filluar ditën keq pasi u rrëzua në palestrën e shtëpisë. Stilistja më pas kishte ndarë një imazh të këmbës të cilën e pati vendosur në akull.
Rikujtojmë, se Beckham përdor për lëkurën e fytyrës së saj një procedurë të njohur si dermaplaning, e cila konsiston në gërvishtjen e butë të shtresës së sipërme të lëkurës me një bisturi 10-gauge. Kjo procedurë heq qelizat e vdekura të lëkurës, qimet e fytyrës dhe papërsosmëritë e vogla. Me fjalë të tjera, fytyra është e rruar.
Disa nga përfitimet e kësaj procedure kozmetike janë heqja e qelizave të vdekura të lëkurës, mund të përmirësojnë strukturën dhe tonin e lëkurës. Dermaplaning gjithashtu mund të ndihmojë në zvogëlimin e shfaqjes së shenjave të akneve. Megjithatë, është e rëndësishme të theksohet se procedura nuk do të heqë plagët e thella.
