SpaceX nisi me sukses fluturimin më të fundit testues të Starship të dielën në mëngjes, i vlerësuar si sistemi raketor më i fuqishëm i ndërtuar ndonjëherë. Ky sistem thuhet se një ditë mund të përdoret për të transportuar njerëzit në Hënë dhe Mars. Ngritja e përforcuesit të raketës Super Heavy, në krye me avionin Starship pa ekuipazh, ndodhi gjatë një periudhe 30-minutëshe që filloi nga objekti Starbase i SpaceX në Boca Chica, Teksas.
Për herë të parë, ky mision demonstrues përfshinte një përpjekje ambicioze për të manovruar përforcuesin e raketës 71 metra në një strukturë gjigante uljeje pasi ajo dogji pjesën më të madhe të karburantit të saj dhe u shkëput nga pjesa e sipërme e Starship. Super Heavy u “kap me sukses” nga palë masive metalike, apo “shkopinjtë robotikë”.
Ndërkohë, avioni i Starship vazhdoi të fluturonte vetë, duke përdorur gjashtë motorët e saj në bord, përpara se të praktikonte një manovër uljeje mbi Oqeanin Indian. SpaceX nuk pret të rikuperojë pjesën e sipërme të saj. SpaceX dëshiron përfundimisht të kapë edhe atë, në të njëjtën mënyrë. Por kjo nuk ndodhi në fluturimin e pestë, përkundrazi ajo ra saktësisht siç ishte planifikuar në Oqeanin Indian.
Pavarësisht këtyre, qëllimi ishte të përcaktojë se si SpaceX një ditë mund të rikuperojë “përforcuesit Super Heavy” për misionet e ardhshme. Kujtojmë se zhvillimi i Starship deri më tani është përqendruar në një seri fluturimesh provë gjithnjë e më komplekse. SpaceX planifikon që në të ardhmen të rikuperojë dhe ripërdorë si “Super Heavy” po ashtu edhe pjesën e sipërme të Starship. Anija kozmike “Europa Clipper” nisi udhëtimin e saj drejt hënës së akullt të Jupiterit, Europa, në kërkim të një bote që mund të mbështesë jetën. Anija u nis nga kompleksi “Cape Canaveral” në Florida duke përdorur një raketë “Falcon Heavy” nga kompania private e hapësirës “SpaceX” e Elon Musk.
