Sophie Turner dhe bashkë-ylli i saj në “Game Of Thrones”, Kit Harington do të ribashkohen në filmin e ardhshëm horror “The Dreadful”. Aktorja 27-vjeçare dhe Kit u shfaqën për herë të fundit në ekran së bashku në vitin 2019, kur u transmetuan episodet e fundit të “Game Of Thrones”.
Fillimisht ata luanin si vëlla e motër, Sansa Stark dhe Jon Snow, por më vonë u zbulua se Jon ishte kushëriri i parë i Sansa-s nga babai. Deadline raportoi se Sophie dhe Kit do të luajnë në një film të shkruar dhe drejtuar nga regjisorja e njohur e filmave horror, Natasha Kermani. Filmi zhvillohet në Angli gjatë Luftës famëkeqe të Trëndafilave në vitet 1400. Sophie do të luajë Anne, jeta e së cilës ndryshon kur personazhi i Kit kthehet nga vdekja.
Sophie Turner ka konfirmuar së fundmi lidhjen me Peregrine Pearson. Aktorja e “Game Of Thrones” e cila është në proces divorci me bashkëshortin e saj Joe Jonas, u pa duke puthur me pasion trashëgimtarin e perandorisë mediatike, familja e të cilit ka një pasuri neto prej më shumë se 224 milionë dollarësh.
Sophie dhe Peregrine, i cili njihet si Perry për miqtë e tij, u panë për herë të parë duke u puthur gjatë një daljeje në tetor, duke nxitur spekulimet se ajo kishte vazhduar me jetën e saj pas ndarjes me këngëtarin Jonas Brother, Joe. Peregrine është djali i madh dhe trashëgimtari i Michael Pearson, një ish-producent filmi që zotëron një pjesë të rëndësishme të perandorisë mediatike Pearson.
