Kompania japoneze e telekomit SoftBank Vision Fund do të investojë 500 milionë dollarë në raundin e fundit të financimit të OpenAI. Kompania në zemër të bumit të inteligjencës artificiale po mbledh 6.5 miliardë dollarë fonde. Ndërkohë Apple thuhet se ka hequr dorë nga planet për të marrë pjesë në raundin e madh të financimit, i cili aktualisht vlerëson vlerën e kompanisë në 150 miliardë dollarë përpara investimit të SoftBank.
Megjithatë, vlerësimi do të jetë i kushtëzuar nëse krijuesi i ChatGPT mund të ndryshojë strukturën e tij të korporatës dhe të heqë një kufi fitimi për investitorët. Marrëveshja përfaqëson investimin e parë të SoftBank në firmën e udhëhequr nga Sam Altman. Reuters raportoi se OpenAI po punon për një plan për të ristrukturuar biznesin e tij kryesor në një korporatë fitimprurëse që nuk do të kontrollohet më nga bordi i saj jofitimprurës.
Ndërkaq, punëtorët në OpenAI së shpejti mund të kenë mundësinë të shesin disa nga aksionet e tyre në kompani. Kështu raportojnë mediat e huaja, duke cituar një memo të kompanisë. Lëvizja për të lejuar punonjësit të fitojnë para, pason raundin e mbledhjes së fondeve prej 6.6 miliardë dollarësh të krijuesit të ChatGPT Sarah Friar, shefja financiare e OpenAI, tha në memo se kompania kishte aftësinë për të ofruar një ngjarje tenderi për t’u dhënë punonjësve të kualifikuar një opsion likuiditeti. Friar thuhet se shtoi se kompania ishte ende duke “rregulluar detajet” dhe do të ndajë informacione me punonjësit më vonë.
Hapi vjen pasi raundi i fundit i financimit, i cili u drejtua nga firma e kapitalit të sipërmarrjes Thrive Capital, gati dyfishoi vlerësimin e OpenAI, në 157 miliardë dollarë nga 86 miliardë dollarë. Investitorë të tjerë përfshinin Microsoft, i cili investoi gati 1 miliard dollarë dhe Nvidia, i cili investoi rreth 100 milionë dollarë. Kompania, e udhëhequr nga Sam Altman, bëri bujë javën e kaluar. Mira Murati, shefja e teknologjisë, u bë e fundit në një varg largimesh të drejtuesve dhe studiuesve të nivelit të lartë.
