Ashton Kutcher dhe Mila Kunis janë sërish përballë shqyrtimit publik, këtë herë për shkak të lidhjes së Kutcher me Sean “Diddy” Combs. Drama e vazhdueshme që rrethon Diddy-n e ka shtyrë çiftin të mendojnë të lënë pas Hollywood-in dhe të zhvendosen në Europë. Një burim pranë çiftit është shprehur për mediat se:
Në fillim ishte Danny Masterson dhe tani Diddy. Kjo e bën atë të bindur se ka vende më të mira për të jetuar se Hollywood-i. Në mendjen e tij, qyteti është shndërruar në një humnerë.
Çifti, i cili u takua për herë të parë në “That ’70s Show” në fund të viteve 1990, kohët e fundit kaluan verën e tyre në Europë, një udhëtim që thelloi dëshirën e tyre për një fillim të ri. Ata madje i çuan fëmijët e tyre për të parë turneun e Taylor Swift “Eras” në Londër në qershor, duke shijuar kohën e tyre larg vëmendjes së Hollywood-it. Burimi vijon:
Ata kaluan një kohë të mrekullueshme në Europë dhe tani ideja për t’u shpërngulur atje është në shqyrtim.
Megjithatë, një pengesë e madhe janë angazhimet e tyre të biznesit në SHBA. Nëse transferimi në Europë duket jopraktike, çifti e ka konsideruar edhe Kaliforninë Veriore si një opsion. Burimi ka përfunduar:
Shqetësimi është se Europa mund të jetë shumë larg punës së tyre.
