Miliarderi i teknologjisë Mark Zuckerberg sheh një të ardhme ku të gjithë do të përdorim teknologjinë e fuqizuar nga AI. Duke folur me CEO të Nvidia, Jensen Huang në konferencën SIGGRAPH të hënën, CEO i Meta tha se parashikon rritjen e përdorimit të syzeve inteligjente në veçanti.
“Unë mendoj se ajo me të cilën do të përfundoni është vetëm një seri e tërë e produkteve të ndryshme të mundshme të syzeve, çmime të ndryshme me nivele të ndryshme teknologjie në to”-ka thënë Zuckerberg.
Meta lançoi syzet e saj inteligjente, një bashkëpunim me markën e syzeve Ray-Bans, në vitin 2021. Në fillim të këtij viti, kompania njoftoi një përditësim të Meta AI që i mundësoi teknologjisë të funksionojë për përdoruesit.
Në SIGGRAPH, Zuckerberg tha se kompania po punon për gjeneratën e ardhshme të syzeve inteligjente, të cilat ai tha se janë dizajnuar duke pasur parasysh “trendët e modës”.
Në një intervistë të fundit, Mark Zuckerberg ka ndarë opinionet e tij dhe planet e Meta-s për “syzet holografike AR”. Sipas mediave të huaja, qëllimi përfundimtar është një pajisje që mund të zëvendësojë plotësisht telefonin tuaj “me kokën lart dhe pa duar”, ndërkohë që siguron qasje në të gjithë informacionin që ju nevojitet.
Zuckerberg tha se ai parashikon që tre modele bazë të syzeve inteligjente të bëhen pajisje standarde për përdorim të përditshëm. I pari është tashmë në dispozicion, syze audio dhe kamera me aftësi të integruara të AI.
