Meghan Markle nuk ka plane të kthehet në Mbretërinë e Bashkuar pasi Britania është një kauzë e humbur për të dhe Princin Harry, ka thënë një biograf mbretëror. Meghan dhe Harry u larguan nga familja në vitin 2020 dhe tani jetojnë në Kaliforni me dy fëmijët e tyre Archie dhe Lilibet. Që atëherë, Harry është kthyer dy herë në Mbretërinë e Bashkuar, por të dyja herë ai udhëtoi vetëm dhe Meghan dhe djali Archie nuk kanë qenë në Britani për dy vjet.
Vajza Lilibet nuk e ka vizituar kurrë vendin pasi ka lindur në Kaliforni. Tani sipas biografit Tom Bower, i cili po shkruan një libër për Meghan, ajo nuk ka ndërmend të kthehet në Britani të Madhe dhe nuk i intereson nëse është e mirëpritur në Londër. Duke shkruar në The Sun, ai tha:
Për momentin, destinacioni përfundimtar i Meghan është i paqartë, por ajo me siguri ka mbështetjen për të bërë një përpjekje si një politikane amerikane. Paralelisht, Britania është një kauzë e humbur për familjen e Sussex-it. Në të vërtetë, dyshoj se Meghan nuk i intereson më nëse është e mirëpritur në Londër. Ajo nuk ka ndërmend të kthehet.
Megjithatë, ai thekson se ndërsa opinioni publik për Meghan në Mbretërinë e Bashkuar mund të mos jetë i favorshëm, në SHBA ajo ende admirohet. Ai shton se mini-turneu i Harry dhe Meghan në Nju Jork vitin e kaluar u vlerësua si një sukses dhe se ajo ka mbështetje solide mes demokratëve, pakicave dhe të rinjve.
Ndërkohë, muajin e kaluar, Harry pretendoi se nuk ishte në gjendje të sillte Meghan dhe dy fëmijët e tyre në Mbretërinë e Bashkuar për shkak të mungesës së sigurisë. Ai dhe Meghan humbën mbrojtjen e tyre nga policia kur dhanë dorëheqjen si anëtarë të familjes mbretërore.
