Spotify sapo njoftoi një program të ri me të cilin përdoruesit mund të fitojnë para nga audiot dhe videot duke filluar nga 2 janari 2025. Bëhet e ditur se programi i ri u ofron përdoruesve në Spotify dy mënyra për t’u paguar. Së pari, ju mund të fitoni një pjesë të të ardhurave nga reklamat nga përmbajtja juaj si dhe mund të fitoni para përmes abonimeve mujore në podcast. Megjithatë, këto dy mënyra vijnë me kërkesat e tyre. Programi kërkon që pjesëmarrësit të presin dhe ngarkojnë përmbajtjen e tyre përmes platformës Spotify. Për më tepër, krijuesit duhet të kenë transmetuar 10,000 orë përmbajtje. Programi për fitimin e parave do të jetë i disponueshëm për përdoruesit e Spotify në SHBA, Mbretërinë e Bashkuar, Kanada dhe Australi.
Platforma suedeze e transmetimit të muzikës ka zhvilluar gjithashtu një veçori që do t’i lejojë përdoruesit të ‘përziejnë’ këngët drejtpërdrejtë në aplikacion. Ky informacion u raportua nga TechCrunch, i cili iu referua pamjeve të kodit të marra nga eksperti i teknologjisë Chris Messina. Adhuruesit e muzikës aktualisht përdorin kryesisht softuer të tillë si Adobe Audition ose Ableton Live për ripërzierje dhe mjeti i ri do të mundësonte ‘përzierjen’ brenda Spotify. Pamjet e ekranit tregojnë se mjetet e përzierjes do të jenë të disponueshme si pjesë e nivelit të abonimit premium Music Pro. Një zëdhënës i Spotify tha për TechCrunch se kompania po eksploron vazhdimisht ide për të përmirësuar ofertën e saj për përdoruesit, por nuk do të komentonte mbi spekulimet rreth mjeteve të reja.
Pasi prezantoi videot muzikore te përdoruesit Premium, Spotify ka njoftuar së fundmi për një veçori të re të Audiobooks, numërimin mbrapsht. Ky funksion i lejon përdoruesit e Spotify të ruajnë paraprakisht librat audio përpara datës së tyre të publikimit. Pasi libri të ruhet, mbi të do të jetë i dukshëm një numërim mbrapsht që shfaq kohën e mbetur deri në publikimin e tij. Kur libri të publikohet, Spotify do të njoftojë përdoruesit se ai është i gatshëm për dëgjim. Veçoria e re do të jetë e disponueshme në të gjitha shërbimet ku librat audio janë të disponueshëm, duke filluar nga mesi i prillit. Ndërkaq, që kur u publikua në vitin 2023, përdoruesit kanë dëgjuar më shumë se 150 mijë tituj unik përmes shërbimit premium të Spotify.
