Britney Spears po përjeton një periudhë emocionuese dhe të ngarkuar me ndjenja, ndërsa djemtë e saj, Sean Preston dhe Jayden James, kanë mbushur përkatësisht 19 dhe 18 vjeç. Këngëtarja e hitit “Toxic” ndau një mesazh të ngrohtë në Instagram më 16 shtator për të shprehur gëzimin e saj për ditëlindjet e tyre. “Ky muaj është ditëlindja e djemve të mi,” shkroi Britney, duke shfaqur foto të djemve të saj kur ishin të vegjël dhe duke iu uruar atyre
Gëzuar ditëlindjen bebe dhe shpresoj t’i realizoni të gjitha dëshirat tuaja dhe më shumë!!!
Sean festoi ditëlindjen e tij më 14 shtator, ndërsa Jayden më 12 shtator. Megjithatë, edhe pse tani djemtë e Britney nuk janë më të mitur në sytë e ligjit, ajo pritet të vazhdojë pagesat e mbështetjes së fëmijëve për ish-bashkëshortin e saj, Kevin Federline. Kevin aktualisht jeton me djemtë në Hawaii.
Sipas avokatit të Kevin, Mark Vincent Kaplan,
Juridiksioni i mbështetjes së fëmijëve vazhdon derisa fëmija i mitur të mbushë moshën 18 vjeç, ose nëse në ditëlindjen e tij të 18-të nuk ka mbaruar ende shkollën e mesme, vazhdon derisa të mbarojë shkollën e mesme.
Megjithatë, ky obligim nuk mund të zgjatet për më shumë se deri në ditëlindjen e 19-të të fëmijës.
Kështu, përveç ndarjes së momentëve të veçantë me ndjekësit e saj, Britney gjithashtu përballet me përgjegjësi ligjore dhe financiare që lidhen me mbështetje për djemtë e saj të rritur.
