Victoria Beckham, një nga figurat më të njohura në botën e modës dhe biznesit, ka dhënë një intervistë ekskluzive për prestigjiozen ELLE, ku ka folur për sfidat dhe arritjet e saj si grua e fortë dhe sipërmarrëse. Ajo e fillon bisedën duke theksuar se ndjen një kënaqësi të thellë me lëkurën e saj çdo ditë. “Jam e lumtur dhe me fat për atë që jam,” shprehet ajo.
Një nga momentet më të dashura të saj është kur kthehet në shtëpi pas një dite të zënë. Ajo përshkruan ritualin e saj të natës: heqjen e makijazhit, një banjë relaksuese dhe përdorimin e maskave.
Kjo është koha ime për reflektim dhe për të menduar për ditën
Beckham gjithashtu tregon se meditimi është pjesë e rutinës së saj, veçanërisht kur është e ekspozuar ndaj dritave LED dhe rrezet infr të kuqe, që ndihmojnë në qetësimin e mendjes. Kur pyetet për stilin e saj të përditshëm, ajo thekson se nuk ka një pamje të preferuar.
Jam e kënaqur me atë që jam në çdo krijim timin dhe respektoj trupin dhe mendjen time
Për të, bukuria është shumë më tepër sesa një pamje fizike; ajo përfaqëson spontanitetin dhe energjinë pozitive që një person sjell në botë.
Të jesh një person i bukur sot do të thotë të kesh atë energji të mirë që buron nga brenda
– thekson Beckham. Ajo gjithashtu ndan mendimin se fuqia e bukurisë është ajo që e bën një person të ndjehet më i fortë dhe më i sigurt në vetvete.
Një aspekt tjetër që ajo vëren menjëherë te të tjerët është mënyra se si ata i trajtojnë të tjerët. “Kjo është një tregues i vërtetë i karakterit,” thotë ajo.
Përsa i përket të ardhmes, Beckham zbulon se së shpejti do të publikohet një serial dokumentar mbi jetën e saj profesionale.
Do të flasë për mënyrën se si kam ndërtuar markën time të modës dhe bukurisë gjatë 16 viteve të fundit
– shpjegon ajo, duke sqaruar se dokumentari do të fokusohet në karrierën e saj si sipërmarrëse dhe jo në jetën e saj personale.
Me pasionin dhe dedikimin e saj, Victoria Beckham vazhdon të frymëzojë shumë gra dhe burra në mbarë botën, duke treguar se si kujdesi për veten dhe besimi në potencialin personal janë çelësi i suksesit.
