Një video që po qarkullon së fundmi në Instagram tregon dy gra në një shkretëtirë në Dubai, duke kërkuar shpëtim me dëshpërim. Pasi automjeti i tyre u prish, dyshja u gjetën të humbura në peisazhin e gjerë dhe të thatë. Në një kthesë të çuditshme, njëra prej tyre hapi aplikacionin e saj Uber, vetëm për të gjetur një mundësi udhëtimi të papritur; një deve.
View this post on Instagram
Pasi rezervuan transportin e pazakontë, ato mbetën të shtangura kur një burrë mbërriti me një deve, duke u prezantuar si një “shofer Uber Camel”. Videoja supozohet se është regjistruar në Al Badayer në rrugën Dubai-Hatta, ndërsa historia mori shumë shpejt vëmendje në rrjete sociale. Me shaka, një përdorues komentoi: “Për arsye sigurie, sigurohuni që të kontrolloni targat”.
Rikujtojmë, se një nga vendet më të thata në botë, Sahara, ka përjetuar reshje të jashtëzakonshme, që kanë sjellë një transformim të dukshëm të peizazhit. Zakonisht, ky rajon përballet me vetëm disa centimetra shi në vit, kryesisht në fund të verës. Megjithatë, gjatë dy ditëve të fundit të shtatorit, reshje intensive përfshinë Marokun juglindor, duke arritur deri në 8 inç në disa zona, sipas të dhënave satelitore të NASA-s. Houssine Youabeb nga agjencia meteorologjike e Marokut theksoi se:
Kanë kaluar 30 deri në 50 vjet që kemi pasur kaq shumë shi në një hapësirë kaq të shkurtër kohore.
Këto reshje të pazakonta kanë sjellë një ndryshim të madh në peizazhin e shkretëtirës, duke ndikuar në ekosistemin lokal dhe duke ofruar shpresë për bimësi të re. Kjo ngjarje e jashtëzakonshme është një kujtesë për efektet e ndryshimeve klimatike dhe ndihmon në kuptimin e dinamikave të klimës në rajonet e thata.
