Fatkeqësisht ka ndërruar jetë në moshën 70-vjeçare Colin Gibb, anëtari themelues i grupit pop “Black Lace”. Grupi ishte më i njohur për hitet e tyre “Agadoo”, “Superman” dhe “Do The Conga”, të cilat ishin këngët kryesore në diskotekat verore në të gjithë Mbretërinë e Bashkuar gjatë mesit të viteve 1980.
Ata gjithashtu performuan në Eurovision Song Contest 1979, duke përfunduar në vendin e shtatë. Gruaja e Gibb, Sue Kelly, njoftoi vdekjen e muzikantit në Facebook, duke shkruar: “Me zemër të thyer ju njoftoj që burri im i dashur Colin Gibb vdiq këtë pasdite. Siç thoshim, të dua gjithmonë përgjithmonë”. Gibb iu bashkua “Black Lace” në 1976 dhe vazhdoi të bënte turne në botë me ta. Performanca e fundit e Gibb ishte në një hotel në Tenerife në maj.
Black Lace ishin të njohur edhe për këngë të tilla si Do the Conga, Superman, Hokey Cokey, Wig-Wam Bam dhe I Am the Music Man. Por Agadoo ishte suksesi i tyre më i madh, duke shitur më shumë se një milion kopje në mbarë botën dhe duke u bërë një element kryesor i diskove shkollore dhe festat e dasmave. Grupi pësoi disa ndryshime në formacion gjatë viteve dhe vetë Gibb herë pas here bënte pushime nga performimi me grupin. Por në mënyrë kumulative, Gibb kaloi më shumë kohë në grup se çdo anëtar tjetër, koha e tij me grupin zgjati disa dekada.
