Një ngjarje tragjike ka ndodhur në familjen e ish-mbrojtësit brazilian të Milanit, Serginho. Mediat italiane shkruajnë se djali i tij 20-vjeçar, Diego, është ndarë nga jeta. Ka qenë klubi i Milanit që përmes një postimi në rrjetet sociale ka ndarë lajmin e hidhur për ndarjen nga jeta para kohe të 20-vjeçarit.
“Ne mblidhemi rreth Serginho-s dhe familjes së tij për vdekjen tragjike dhe të parakohshme të djalit të tyre Diego. Gjithmonë ne zemrat tona”-thuhet në postimin e Milanit.
Ende nuk janë dhënë detaje për atë që ka ndodhur. Rrjetet sociale janë ndezur me mesazhe solidariteti, duke demonstruar ndjenjën e thellë të komunitetit brenda familjes së futbollit. Trashëgimia e Serginho-s në AC Milan është rrënjosur me vlerësime, duke përfshirë tituj të shumtë të Serie A dhe trofe të UEFA Champions League.
