Filmi i ri “Barbie” ka thyer rekorde për filmin më të suksesshëm komercial nga një regjisore grua, duke sjellë më shumë se 356 milionë dollarë në mbarë botën gjatë fundjavës së hapjes. Me publikimin e filmit roza e nxehtë ka bërë “rrugën” e saj kudo, madje edhe në shtëpi funerale pasi tani ofrojnë arkivole rozë me temë Barbie.
Këto arkivole janë ofruar nga shtëpitë funerale në Meksikë, El Salvador dhe në të gjithë Amerikën Latine për rreth një vit, por popullariteti i tyre është rritur që nga publikimi jashtëzakonisht i suksesshëm i Barbie në kinema. Shtëpia Funerale Olivares promovon arkivolin e saj “Shtëpia Barbi” me mbishkrimin: “Kështu ju të mund të pushoni si një Barbie”. “Ky arkivol, me ngjyrën e tij të ndritshme rozë të mrekullueshme, përfaqëson shkëndijën dhe energjinë e atyre momenteve të paharrueshme të jetuara”,-thuhet në një klip promovues për arkivolin.
Rikujtojmë, se kolona zanore e filmit “Barbie” ka kryesuar listat e këngëve në Mbretërinë e Bashkuar, duke thyer rekordet e mëparshme, ka njoftuar Kompania Zyrtare e Listave. “Barbie: The Album”, i cili shoqëron filmin, i drejtuar nga Greta Gerwig për kukullën me të njëjtin emër të Mattel, u bë kolona zanore e parë e filmit që mban tre nga vendet kryesore në të njëjtën kohë.
