Shpërthim eksplozivi në një mjedis të përshtatur si studio muzikore në Kamëz, fatmirësisht pa të lënduar por me dëme materiale. Sipas burimeve zyrtare të policisë, ngjarja ndodhi rreth orës 03:30 minuta të mëngjesit, në rrugën “Arben Broci”. U dëmtuan pllaka mermeri e xhama. Grupi hetimor po vazhdon punën për sqarimin e rrethanave të shpërthimit.
Kamëz/Informacion paraprak
Më datë 17.11.2024, rreth orës 03:30, në rrugën “Arben Broci”, në shkallët e jashtme të një godine të përshtatur si studio muzikore, në pronësi të shtetasit A.A., është dëgjuar një shpërthim, i ngjashëm me lëndët plasëse ose lëndët piroteknike. Si pasojë ka vetëm dëme materiale (janë dëmtuar pllakat e mermerit dhe xhamat). Grupi hetimor po vazhdon punën për sqarimin e rrethanave të ngjarjes.
Në një tjetër zhvillim, në kuadër të operacionit policor të koduar “Aksi” u bë i mundur arrestimi i një shtetasi me iniciale S.S, i cili u ndalua nga uniformat blu në aksin Bilisht-Korçë dhe iu gjetën 4 qese me 3 kilogramë cannabis sativa. Materialet procedurale i kaluan Prokurorisë Korçë, për veprime të mëtejshme.
Njoftimi i policisë:
Gjatë kontrollit, në pjesën e motorit të automjetit të S.S. u gjetën të fshehura katër qese me tre kilogramë cannabis sativa. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
