4 personave në Lezhë, iu është caktuar masa e sigurisë “Arrest me burg”, nga Gjykata e Shkallës së parë të Juridiksionit të Përgjithshëm .
S.XH., 27 vjeç, K.N., 28 vjeç, K.L., 28 vjeç dhe E.Ç., 30 vjeç janë lënë në burg pas një hetimi dy vjeçar, dhe akuzohen për veprat penale të “Kultivimit të bimëve narkotike” dhe “Shpërdorimit të detyrës”.
– S.XH., 27 vjeç, ish punonjës policie me detyrë Patrullë e Përgjithshme në Komisariatin e Policisë Lezhë, i dyshuar për kryerjen e veprës penale “Shpërdorim detyre”;
– K.N., 28 vjeç ish punonjës policie me detyrë Patrullë e Përgjithshme në Komisariatin e Policisë Lezhë, i dyshuar për kryerjen e veprës penale “Shpërdorim detyre”;
– K.L., 28 vjeç, i dyshuar për kryerjen e veprës penale “Kultivim të bimëve narkotike”;
– E.Ç., 30 vjeç, i dyshuar për kryerjen e veprës penale “Kultivim të bimëve narkotike”.
Nga operacioni i zhvilluar për ekzekutimin e masave të sigurisë u bë e mundur kapja dhe arrestimi i ish-punonjësit të policisë S.XH. dhe shtetasit K.L.
Ndërsa u shpallën në kërkim ish-punonjësi i policisë K.N. dhe shtetasi E.Ç.
