Noel Duan është CEO i një kompanie dhe e apasionuar pas qenit të saj. 32-vjeçarja nga Kina ka pohuar se e ka gjetur qenushin të pagëzuar me emrin Artemisa teksa po shëtiste rrugëve të Majamit. Ajo jetonte në Nju Jork në atë kohë dhe kishte qenë në Florida duke u përpjekur të kuptonte se çfarë të bënte me jetën e saj.
Shtatë vjet më vonë ajo drejton një kompani për kujdesin e lëkurës së kafshëve shtëpiake në Londër dhe Artemis po jeton si mbretëreshë. Artemisa merr mësime private noti dhe ha ushqime të përgatitura posaçërisht me mish derri, këmbë pule, mish dreri ose viçi, perime, dardha, mollë, fara chia dhe më shumë. Përveç kësaj, qeni ka shumë lodra dhe tre krevate, njëri prej të cilëve kushton rreth një mijë euro. Duan shprehet se:
Qeni im ha një dietë shumë më të mirë se unë dhe ndoshta duhet të ha si qeni im nëse dua të kem trupin e ëndrrave të mia.
Noel tha se shpenzon rreth 11,500 euro në vit përfshirë biletat për udhëtime në Suedi, Francë, Gjermani dhe Greqi për qenushin e saj. Në rrjetet sociale ajo ka marrë shpesh komente negative për jetën luksoze që bën qeni i saj, në një kohë kur varfëria mundon një pjesë të madhe të planetit. Ajo thotë se është e lumtur që i jep para Artemisës pasi i sjell një gëzim të madh.
