Lemza mund të jetë një fenomen i pakëndshëm, sidomos kur jemi në shoqëri dhe ndonjëherë ndjejmë se nuk mund ta heqim lemzën pa marrë parasysh sa ujë pimë apo sa kohë e mbajmë frymën. Së fundmi kanë zbuluar një metodë që përfshin vetëm katër hapa. Siç pretendojnë ata, funksionon në 100 për qind të rasteve.
Nxirreni frymën plotësisht, zbrazni mushkëritë tuaja. Merrni frymë thellë dhe mbajeni për disa sekonda. Pa nxjerrë frymën, merrni sërish frymë, pastaj mbajeni për disa sekonda. Përsëriteni hapin e tretë. Lemza shkakton kontraktime të pavetëdijshme dhe të shpejta të diafragmës dhe muskujve ndër brinjë që zgjerojnë mushkëritë për frymëmarrje. Lemza e vazhdueshme mund të jetë një shenjë e disa kushteve shqetësuese shëndetësore.
Ato shkaktohen nga një spazmë e diafragmës dhe lemza e vazhdueshme mund të tregojë një problem me sinjalet e sistemit nervor në zonë. Lemza e vazhdueshme përkufizohet duke zgjatur më shumë se dy ditë. Kur ato vazhdojnë për më shumë se një muaj quhen lemza të pazgjidhshme. Në këto raste ajo mund të paralajmërojë goditjet, tumoret e trurit ose një dëmtim traumatik i trurit i cili mund të shoqërohet me lemza të vazhdueshme.
Mund të jetë gjithashtu një shenjë e sëmundjeve që prekin sistemin nervor. Këto përfshijnë meningjitin, krizat ose sklerozën e shumëfishtë. Ju mund të përjetoni lemza të vazhdueshme ose të pazgjidhshme nëse diçka ka shkuar keq në sistemin tuaj të tretjes. Kushtet përfshijnë sëmundjen e refluksit gastroezofageal ose GERD, hernien hiatale ose ulcerat peptike. Sëmundjet e ezofagut mund të jenë gjithashtu rrënja e problemit me disa ‘lemza’ të vazhdueshme që diagnostikohen me ezofagit ose kancer të ezofagut.
