Shkencëtarët kanë krijuar një diamant në vetëm 150 minuta edhe pse dihet mirë se diamantet natyrore kërkojnë miliarda vjet, presione ekstreme dhe temperatura thellë nën tokë. Metoda e re shkencore bazohet në një përzierje të metaleve të lëngëta dhe rezultati i procesit është krijimi i një diamanti artificial në pak minuta.
Diamante të tillë formohen në një temperaturë prej 1025 gradë Celsius, në një vlerë presioni prej një atmosfere, e cila është e barabartë me presionin që ndjejmë në nivelin e detit. Ekipi që qëndron pas qasjes inovative, i udhëhequr nga studiues nga Instituti i Shkencave Bazë në Korenë e Jugut, është i bindur se procesi mund të përshpejtohet për të bërë një ndryshim të rëndësishëm në prodhimin e diamanteve sintetike.
![](https://www.usatoday.com/gcdn/-mm-/e1ff232c00096b6461e7f2adc18eb07db0c7c9cf/c=0-155-2049-1308/local/-/media/2019/12/05/USATODAY/usatsports/MotleyFool-TMOT-2a6011b3-getty-diamond.jpg)
Shndërrimi i karbonit në metal të lëngshëm që përdoret për të bërë diamant nuk është diçka e re. General Electric i përdori këto procese qysh gjysmë shekulli më parë duke përdorur sulfur hekuri të shkrirë. Ulja e presionit u arrit duke përdorur një përzierje të zgjedhur me kujdes të metaleve të lëngëta; galium, hekur, nikel dhe silikon. Një sistem vakum u ndërtua brenda shtresës së grafitit që ngrohte shumë shpejt dhe më pas ftohte metalin ndërsa ishte i ekspozuar ndaj një kombinimi të metanit dhe hidrogjenit.
Këto kushte lejojnë që atomet e karbonit nga metani të përhapen në metalin e shkrirë, duke vepruar si fara për diamantët. Pas vetëm 15 minutash, fragmente të vogla kristalesh diamanti u ekstruduan nga metali i lëngshëm nën sipërfaqe, ndërsa dy orë e gjysmë ekspozim prodhoi një film të vazhdueshëm diamanti. Procesi i përdorur aktualisht për të krijuar shumicën e diamantëve sintetikë zgjat disa ditë dhe kërkon presione shumë më të larta. Nëse optimizohet, kjo teknikë e re mund të përshpejtojë dhe lehtësojë ndjeshëm prodhimin e diamanteve sintetike.
Diamantet janë një simbol i forcës, dashurisë, jetëgjatësisë dhe do të jenë gjithmonë një dhuratë sentimentale e përjetshme e lidhur me ngjarjet e rëndësishme në jetën tonë, si martesa, lindja e një fëmije dhe përvjetor martese. Ndryshe nga ari, i cili vlerësohet kryesisht nga pesha, procesi i vlerësimit të një diamanti është shumë më teknik dhe shpesh më së miri u lihet ekspertëve. Minerali diamant është modifikim alotropik i karbonit. Diamanti është materiali më i fortë që gjendet në natyrë, pasi është një material i presuar.