Një copë shumë e rrallë e tortës së dasmës së Mbretëreshës Elizabeth II dhe Princit Philip, e ruajtur për 77 vite, është shitur këtë javë për 2200 £ (2800 $) në një ankand të organizuar nga shtëpia Reeman Dansie.
Kjo copë, e cila tani nuk mund të konsumohet, është mbajtur e paketuar me kujdes që nga dita e dasmës mbretërore më 20 nëntor 1947.
Torta, e cila u përgatit për dasmën e çiftit mbretëror, ishte një pjesë e veçantë e një krijimi madhështor që kishte një lartësi prej 2.7 metrash dhe një peshë prej 250 kg. Ajo ishte dekoruar me stemat e dy familjeve mbretërore dhe figura sheqeri që ilustronin aktivitetet e preferuara të çiftit. Nga torta janë shpërndarë 2000 copë për të ftuarit, ndërsa disa të tjera u ruajtën për bamirësi dhe për ngjarje të tjera, përfshirë një copë që u ruajt për pagëzimin e Princit Charles.
Copëza e tortës që u shua këtë javë ishte dhuratë nga familja mbretërore për Marion Polson, kujdestaren e kështjellës Holyrood House në Skoci, dhe shoqërohej me një letër falënderimi nga vetë Mbretëresha Elizabeth II. Sidoqoftë, kjo nuk është hera e parë që copëza të tilla të tortave mbretërore shiten në ankande. Në vitin 2013, një copë e tortës u shit për 1750 paund, ndërsa një tjetër copë e tortës së dasmës së Princit Charles dhe Princeshës Diana, e ruajtur për 40 vite, u shit për 1850 paund në vitin 2021.
Ky ankand është një tjetër shembull i interesit të vazhdueshëm për memoriet mbretërore dhe artefaktet historike të lidhura me familjen mbretërore britanike.
