Një koleksion autografesh nga disa prej figurave më të njohura të shekullit të 20-të është shitur për më shumë se 78 000 paund në ankand. Një kartëmonedhë e nënshkruar nga lideri komunist kinez, Mao Ce Dun, kishte çmimin më të lartë të shitjes, duke arritur në 22 000 paundë.
Ndër shënimet e tjera të famshme që u shitën ishin ato që i përkisnin ikonës së reggae, Bob Marley, liderit të Afrikës së Jugut kundër aparteidit, Nelson Mandela dhe të katër anëtarëve të “The Beatles”. Peter Mason, nga shtëpia e ankandeve Dawsons në Maidenhead, Berkshire, i përshkroi artikujt si një koleksion unik.
Një kopje e nënshkruar e botimit të parë të një libri me poezi të shkruar nga Jim Morrison u shit për 6000 paundë. U shit për të njëjtin çmim një copë e nënshkruar nga ish-udhëheqësi kinez, Deng Xiaoping, i cili vlerësohet gjerësisht për hapjen e vendit të tij ndaj botës. Një kartë e nënshkruar: “Me dashuri nga John Lennon, Paul McCartney, George Harrison dhe Ringo Starr”, arriti vlerën 5500 paundë.
Nënshkrimet ishin grumbulluar nga një koleksionist gjerman, i cili filloi t’i blinte dhe tregtonte autografet në vitet 1980. Të gjitha fondet e mbledhura do të shpërndahen për bamirësi në vendin e lindjes së koleksionistit.