Një koleksion artikujsh që dikur zotëroheshin nga anëtarët e familjes mbretërore, duke përfshirë fustanet dhe shënimet nga princesha e ndjerë Diana, janë shitur në një ankand në Kaliforni për 4 milionë dollarë.
Më shumë se 200 artikuj ishin pjesë e koleksionit që doli në ankand. Një fustan mbrëmjeje prej mëndafshi dhe dantelle të purpurt, i dizajnuar nga britaniku Victor Edelstein, të cilin Diana e veshi në Londër dhe Gjermani në 1987, kryesoi shitjen me 910,000 dollarë. Krijuesi britanik Edelstein projektoi gjithashtu fustanin e famshëm blu që princesha veshi kur kërceu me John Travolta në Shtëpinë e Bardhë në 1985.
Një fustan mëndafshi me lule rozë, i dizajnuar nga Walker, të cilin Diana e veshi në stadiumin Richmond në 1988, u shit për 444,500 dollarë. Në ankand u shfaqën gjithashtu më shumë se 20 letra të shkruara me dorë, shënime dhe kartolina nga Princesha Diana. Shumë nga letrat ishin shkruar nga Maud Pendrey, një ish-punonjëse në shtëpinë e familjes Spencer ku Diana u rrit.
Rikujtojmë, se shtëpia e familjes së Princeshës Diana ka dalë në treg për herë të parë në 22 vjet, por blerësit e interesuar duhet të kenë parasysh se ajo vjen me një çmim prej 10.95 milionë paund. Prona katërkatëshe në Mayfair, Londër, ka një sallë pritjeje, një dhomë pritjeje, një bibliotekë, dy dhoma gjumi me gardërobë dhe banjo private si dhe parking privat nëntokësor.
Nëse jeni të shqetësuar për shkallët brenda një shtëpie kaq të gjatë, mos u shqetësoni sepse ai gjithashtu vjen me një ashensor që lidh të gjitha nivelet. Kati i fundit është një suitë e pavarur, me një dhomë gjumi, dhomë ndenjeje, tarracë, dhomë të zhveshjes dhe banjë. Ka edhe dy dhoma gjumi në katin e poshtëm përdhes, të shoqëruara me dy tualete, një dhomë tjetër zhveshjeje dhe një kuzhinë.
