Sipas rregullit të ri, përdoruesit me më shumë se 2500 ndjekës “të verifikuar”, domethënë ata që abonohen në X Premium, marrin automatikisht një shenjë blu. Ky ndryshim synon ta bëjë simbolin blu sërish një simbol ndikimi, jo vetëm diçka që mund të blejë kushdo. Megjithatë, disa nga përdoruesit që morën shenjën blu nuk ishin të kënaqur me këtë lëvizje.
Tom Gara, një ish-redaktor i BuzzFeed dhe tani sipërmarrës, si dhe Katie Notopoulos, një korrespondente e lartë për Business Insider, shprehën pakënaqësinë e tyre. Lëvizja ndezi një diskutim rreth vlerës dhe rëndësisë së etiketës blu në mediat sociale. Shenja blu ka qenë një mjet për verifikimin e identitetit të figurave publike, duke reduktuar kështu përhapjen e dezinformatave.
Megjithatë, pavarësisht përpjekjeve për të rivendosur qëllimin origjinal të etiketës blu, sfida mbetet në dallimin e etiketave blu “të vërteta” nga ato që mund ta kenë marrë etiketën blu përmes mjeteve më pak autentike. Ky ndryshim në politikën e etiketave blu të X është një përpjekje e platformës për të rikthyer vlerën e humbur të shenjës blu, duke u fokusuar në ndikimin dhe origjinalitetin e përdoruesve, në vend të parave.
Ndërkaq, ndryshime do të ndodhin për llogaritë me mijëra ndjekës në platformën e rrjeteve sociale X, siç njoftoi pronari i platformës, Elon Musk. Siç shkroi ai në postimin e tij, ato llogari me më shumë se 2500 ndjekës të konfirmuar do të mund të kenë akses falas në paketën Premium që kushton 8 dollarë në muaj. Kjo paketë i lejon përdoruesit të modifikojë dhe të shkruajë postime më të gjata, si dhe të kufizojë numrin e reklamave që shohin në burimin e tyre, duke shtuar gjithashtu një shenjë blu pranë emrit të tyre.
Musk njoftoi gjithashtu ndryshime për ata me 5000 ose më shumë ndjekës të certifikuar që do të marrin paketën Premium+ falas, me vlerë 16 dollarë në muaj, e cila i jep akses Grok, programi i inteligjencës artificiale që ka aftësinë, sipas krijuesve të tij, “për t’u përgjigjur në pothuajse gjithçka”. Kjo lëvizje, siç theksohet nga Sky News, vjen pas mohimit të informacionit se numri i atyre të lidhur me X është ulur që kur Musk bleu platformën.
