Këngëtarja e famshme kolumbiane Shakira ka dhënë një intervistë së fundmi për Sunday Times, ndërkohë që është në përgatitje të një albumi të ri, të parin pas shtatë vitësh. Ylli i muzikës pop ka treguar për sakrificat në karrierën e saj muzikore gjatë kohës që ishte në lidhje me futbollistin spanjoll, Gerard Pique.
Për një kohë të gjatë bëra pauzë në karrierën time për të qenë pranë Gerardit, në mënyrë që ai të luante futboll. Kishte shumë sakrifica për dashurinë.
Shakira dhe Pique ishin së bashku për 11 vjet, nga 2011 deri në 2022. Ata kanë dy fëmijë së bashku. Në qershor 2022, Shakira dhe Pique konfirmuan se po ndaheshin. Nëpërmjet një deklarate ata thanë se:
Për mirëqenien e fëmijëve tanë, të cilët janë prioriteti ynë, kërkojmë që të respektoni privatësinë tonë.
Vitin e kaluar, Shakira u duk se kishte vënë në shënjestër ish-partnerin e saj në këngën “#53”. Ajo gjithashtu trajtoi marrëdhënien e re të Pique me Clara Chia. Shakira, e cila tani jeton në Miami, po përgatitet të publikojë “Las Mujeres Ya No Lloran”, albumin e saj të parë të ri në studio që nga viti 2017 “El Dorado”. Këngëtarja tha për The Sunday Times se albumi i ri përfaqëson transformimin e dhimbjes në kreativitet, zhgënjimin në produktivitet, zemërimin në pasion, cenueshmërinë në elasticitet.
Kishte kaq shumë pjesë të jetës sime që u shkatërruan para syve të mi dhe më duhej të rindërtoja veten në një farë mënyre, duke marrë eshtrat nga dyshemeja dhe duke i bashkuar të gjitha. Ngjitësi që i mbajti të gjitha së bashku ishte muzika.
Artistja ka folur edhe më parë për marrëdhënien e saj me Pique duke pretenduar se e tradhtoi në kohën kur babai i saj ishte i shtruar në spital. Ndërkaq, ylli kolumbian duket se ka gjetur sërish dashurinë ose të paktën kështu spekulojnë disa nga fansat e saj pasi kanë dëgjuar një fragment të këngës së saj të re “Nassau”, e cila është pjesë e albumit “Las mujeres ya no lloran”, (Femrat nuk qajnë më’). Teksti i publikuar në rrjetet e saj sociale flet për një lidhje të re të mundshme për Shakirën:
