Seriali i njohur korean “Squid Game” po vazhdon të bëjë histori. Seriali i famshëm i Netflix u nominua për çmimin Emmy në kategorinë kryesore të dramës. Si rrjedhojë, “Squid Game” bëhet seriali i parë në gjuhën jo-angleze që nominohet në Emmy Awards.
Seriali me skena brutale i krijuar nga regjisori koreano-jugor Hwang Dong-hyuk, sjell historinë e një grupi njerëzish që janë në vështirësi të mëdha financiare teksa konkurrojnë në një seri lojërash vdekjeprurëse për fëmijë për një çmim të madh në para. Pas premierës së tij në shtator, zhurma ndihmoi që drama koreane të bëhej seriali më i suksesshëm i Netflix ndonjëherë.
Katër anëtarë të kastit kryesor të “Squid Games” u nominuan në kategori individuale të aktrimit për interpretimet e tyre. Lee Jung-jae, i cili portretizoi babanë zemërmirë, por të zhytur në borxhe, Seong Gi-hun u nominua për çmimin ‘Aktori më i mirë në serial dramatik’. Jung Ho-yeon u nominua për çmimin ‘Aktorja më e mirë në rol dytësor në një serial dramatik’ për portretizimin e Kang Sae-byeok.
Park Hae-soo dhe Oh Yeong-su ishin të dy ndër aktorët dytësorë në një serial dramatik të nominuar. Park portretizoi ish-shokun e klasës së Seong-ut, Cho Sang-woo, ndërsa Oh luante Oh Il-nam, një i moshuar që Seong miqësohet gjatë konkursit. Anëtarët e kastit të “Squid Game” janë aktorët e parë vendas koreanë që janë nominuar në kategoritë e tyre përkatëse. Krijuesi i serialit Hwang është gjithashtu krijuesi i parë korean që fitoi nominime për Emmy për skenarin dhe regjinë e dramës. Në total, “Squid Game” shënoi 14 nominime për Emmy Awards, përfshirë për dizajnin e prodhimit, kinematografinë, efektet speciale, montazhin, temën e titullit kryesor dhe efektet speciale.
Fakti që një dramë koreano-jugore është e pranueshme për Emmy Awards, është në vetvete një shenjë e ndryshimeve në industri. Çmimet Emmy nderojnë arritjet në televizionin amerikan, por përhapja e transmetimit i ka bërë programet në gjuhën jo-angleze më të aksesueshme për audiencën amerikane se kurrë më parë. Historikisht, producentët dhe rrjetet televizive amerikane e kanë fokusuar zhvillimin e tyre origjinal të programimit në audiencën amerikane anglishtfolëse. Por aspiratat globale të shërbimeve të transmetimit me bazë në SHBA i kanë mjegulluar këto linja.
Netflix ka publikuar së fundmi një trailer të shkurtër për sezonin e dytë të serialit të suksesshëm dramatik “Squid Game”, së bashku me një mesazh nga krijuesi, shkrimtari, regjisori dhe producenti ekzekutiv Hwang Dong-Hyuk duke treguar detaje se cilët personazhe po rikthehen për sezonin e dytë. “Squid Game”, seriali i Netflix që theu rekorde të shumta, do të kthehet në një reality show, ku njerëzit do të konkurrojnë me lojërat që shfaqen aty. Por mos u shqetësoni, nuk do të luhet për jetë a vdekje! Gjatë serialit, i cili është konfirmuar për një sezon të dytë, konkurrentët mblidhen në një ishull dhe garojnë kundër njëri-tjetrit me grupe, në lojëra fëmijërie, popullore në Korenë e Jugut.
