Ka ndërruar jetë në moshën 35-vjeçare aktori i “One Tree Hill”, Paul Teal. Mediat e huaja shkruajnë se aktori u diagnostikua me kancer në pankreas në prill të këtij viti dhe ndërroi jetë pak ditë më parë në spital. Lajmin për ndarjen nga jeta të aktorit e ka konfirmuar e fejuara e tij, Emilia Torello në rrjetet sociale, duke shkruar:
Njeriu më frymëzues, më i vendosur dhe më i dashur ndërroi jetë të premten, më 15 nëntor 2024. Paul, ti ishe shpirti im binjak, burri im i ardhshëm, fortesa ime dhe e ardhmja ime. Edhe pse një pjesë e imja vdiq me ty, të premtoj se do të përpiqem të gjej gëzim në jetë aq fort sa luftove çdo ditë. Bota pati fatin ta njohë Paul Teal edhe për një moment, dhe unë jam njeriu më me fat në jetë sepse mund të të quaj ‘i imi’, do të të dua përgjithmonë.
View this post on Instagram
Paul Teal është më së shumti i njohur për rolin e tij në serialin “One Tree Hill”. Ai u shfaq në sezonin e shtatë si Jos Avery i cili po takohej me Alex Dupre (Jana Kramer). Teal gjithashtu u shfaq në dy episode të “Outer Banks” në 2021. Emilia tha për mediat e huaja se para vdekjes së tij, Paul ishte duke punuar për një serial të ri dhe se koha që kaloi me kolegët e tij në xhirime kishte shumë rëndësi për të.
