Seriali “Game of Thrones” mund të ketë përfunduar pesë vjet më parë, por jo ngjarjet të cilat pasqyrohen në librat e George R. R Martin. Menjëherë pas premierës së sezonit të dytë të “House of the Dragon”, HBO njoftoi se një seri tjetër e lidhur me “Game of Thrones” është duke u zhvilluar.
Siç ka njoftuar HBO, xhirimet për serinë “A Knight of the Seven Kingdoms” tashmë kanë filluar në Belfast në Irlandën e Veriut. Ajo se çfarë është me të vërtetë emocionuese është se kjo seri do të tregojë ngjarjet e 100 vjet përpara atyre që kemi parë në “Game of Thrones”.
Set a century before #GameOfThrones, the new @HBO Original drama series, A Knight of the Seven Kingdoms, is now in production. Coming soon to @StreamOnMax. pic.twitter.com/CS7tX7iND2
— Game of Thrones (@GameOfThrones) June 18, 2024
Seriali do të adaptojë novelën e George R. R Martin “The Hedge Knight” dhe do të tregojë historinë e dy heronjve në Westeros në një epokë kur familja Targaryan ende kishte pushtetin e Fronit të Hekurt. “A Knight of the Seven Kingdoms” do të publikohet në vitin 2025 por një datë zyrtare ende nuk është bërë e ditur.
Ndërkaq, ju shuajmë një kuriozitet. Pjesa më e madhe e xhirimeve të serialit “Game of Thrones” u zhvillua në Irlandën e Veriut, ku gardhe të errëta, tuneli i harkuar i pemëve të ahut pranë Armoy, u bë një atraksion popullor turistik në sezonin e dytë të tij. Mirëpo, tani do të shkatërrohen pemët në bulevardin ku është filmuar seriali. Sipas EPA, Departamenti për Infrastrukturën (DfI) konfirmoi për BBC News se punimet e nevojshme të sigurisë së pemëve do të fillojnë në vendin e Bregagh Road javën e ardhshme.
Sipas raportit, shumica e pemëve janë në gjendje të keqe. Në fakt, 11 pemë në itinerar mund të përbëjnë një rrezik potencial për kalimtarët. Ministria e Infrastrukturës ka njoftuar se ditët e ardhshme do të nisë puna për heqjen dhe restaurimin e tokës në pronësi private. Pemët u mbollën përgjatë rrugës që të çon në Gracehill House, e cila ishte një rezidencë mbretërore e ndërtuar në 1775. Nga gjithsej 150, kanë mbetur 86 pemë ahu, pasi disa u shkatërruan nga stuhitë.
