Kohët e fundit, Meta AI, asistenti me AI i gjigantit të teknologjisë i disponueshëm në aplikacionet e tij Facebook, Instagram, Messenger dhe WhatsApp është përhapur më gjerësisht në mbarë globin.
Tani, duket se Meta po punon mënyra të reja për të bashkëvepruar me Meta AI, veçanërisht brenda WhatsApp. Bëhet e ditur se WhatsApp po punon për një veçori të re që ju lejon të ndani mesazhe zanore me Meta AI.
Versioni më i ri beta i aplikacionit të mesazheve për Android (versioni 2.24.16.10), tani në Google Play Store, zbulon një veçori të re që ju lejon të dërgoni mesazhe zanore direkt në Meta AI.
Për momentin, vetëm disa testues beta me versionin më të fundit të WhatsApp mund ta përdorin këtë veçori për të dërguar mesazhe zanore te Meta AI. Por, më shumë përdorues do të kenë qasje në të në javët e ardhshme.
Një buton i ri për dërgimin e mesazheve zanore është shtuar në ndërfaqen e bisedës. Kjo i lejon testuesit beta të komunikojnë lehtësisht duke përdorur komandat zanore, një përmirësim i dobishëm nga ndërveprimet e mëparshme vetëm me tekst.
Bëhet e ditur se shtimi i opsionit për të folur me Meta AI është një lëvizje e zgjuar, veçanërisht pasi chatbot si ChatGPT dhe Gemini i Google tashmë ofrojnë veçori të ngjashme. Është një shtesë e dobishme që përshpejton komunikimin sepse, e dini, të folurit zakonisht është më i shpejtë se sa të shtypni.
Nëse jeni një nga dy miliardë përdoruesit e WhatsApp-it, së shpejti mund të flisni me njerëz të tjerë në gjuhë të ndryshme. Kjo për shkak se WhatsApp së shpejti mund të lejojë përdoruesit të përdorin funksionin Live Translate. Shkurtimisht, Live Translate është ajo që mendoni se është: funksioni “dëgjon” atë që folësi thotë dhe pothuajse menjëherë e përkthen atë në një gjuhë që mund ta kuptoni. Qëllimi është që ju, një folës i anglishtes, të jeni në gjendje të komunikoni me shokun tuaj nga Koreja pa ditur asnjë prej jush ndonjë gjuhë tjetër përveç gjuhës amtare.
