Ndërsa kufjet Apple Vision Pro pritet të dalin në treg muajin e ardhshëm, kompania ende nuk e ka konfirmuar datën. Sipas Mark Gurman të Bloomberg, brenda javës së ardhshme pritet të ketë një njoftim zyrtar nga Apple, kohë kjo e cila përkon me eventin më të madh teknologjik, CES. Bëhet e ditur se, kufjet tashmë kanë filluar të dërgohen në magazinat e SHBA-së në një shkallë të vogël.
Gurman raporton se një takim tre-orësh është planifikuar për të gjithë punonjësit në dyqanet e Apple në të gjithë SHBA-në më 21 janar, në lidhje me produktin e ri. Rajonet e tjera, përfshirë Kinën, Kanadanë, dhe Britaninë e Madhe, mund të jenë të radhës.
Vision Pro do t’i lejojë përdoruesit të shohin aplikacionet në një mënyrë të re, në hapësirat përreth tyre. Përdoruesit mund të përdorin sytë dhe duart për të lundruar nëpër aplikacione dhe për të kërkuar me zërin e tyre. Kufjet mund të përdoren për të parë filma, duke përfshirë ato në 3D, me audio hapësinore, për të parë fotot ose videot e tyre dhe për të luajtur video lojëra. Mund të përdoret gjithashtu për punë me aplikacionet e konferencave video, Microsoft ose Adobe Lightroom.
Aksionet e Apple ranë rreth 1% pasi kompania zbuloi kufjet, duke hequr dorë nga fitimet nga më parë gjatë ditës. Me një veçori të quajtur EyeSight, kufjet mund të bëhen transparente ose të errëta për t’u sinjalizuar njerëzve përreth përdoruesit të kufjeve nëse janë të zhytur në një përvojë ose janë të disponueshëm për të ndërvepruar. Audioja hapësinore do ta bëjë të ndihet sikur përdoruesi është plotësisht i zhytur në përvojë, duke përfshirë edhe ndjesinë e sendeve të tjera në dhomë.
