Aktorja e njohur Scarlett Johansson ka kujtuar së fundmi reagimin e aktorit Joaquin Phoenix kur ajo po xhironte skenën e orgazmës për filmin e tyre të vitit 2013 “Her”. Në një intervistë për podcast-in “Armchair Expert”, Johansson u shpreh:
Ne u përpoqëm ta realizonim me herën e parë dhe ai e humbi i gjithi. Ai u largua nga studio. Kishte nevojë për një pushim.
Në film, Johansson luajti një sistem operativ telefoni të tipit Siri, Samantha, me të cilën personazhi i Phoenix, Theodore, ra në dashuri. Regjistrimi i skenës së tyre të seksit në telefon ishte “i sikletshëm dhe i çuditshëm”, sipas aktores.
Ju nuk dëshironi të dëgjoni kurrë zërin tuaj. Ti definitivisht nuk dëshiron të dëgjosh vetën se si tingëllon kur përjeton orgazëm dhe definitivisht nuk dëshiron të dëgjosh se si tingëllon kur ke një orgazëm të rreme.
Johansson nuk luajti fillimisht rolin e Samantha, ylli i “The Talking Dead”, Samantha Morton regjistroi të gjithë dialogun përpara se ajo të zëvendësohej. Regjisori Spike Jonze tha për Vulture në qershor të 2013-ës se:
Samantha ishte me ne në xhirime dhe ishte e mrekullueshme. Vetëm në post-produksion, kur filluam montazhin, kuptuam se ajo që i duhej filmit ishte ndryshe nga ajo që Samantha dhe unë kishim krijuar së bashku.
Sa i përket Phoenix, qëllimi i aktorit 47-vjeçar në xhirimet e filmit ishte të “provonte diçka të ndryshme”, zbuloi ai në një intervistë të shkurtit 2014 për “The Guardian”. Në atë kohë ai u shpreh lidhur me rolin e tij në “Her”:
E bëra këtë për të rinovuar veten. Në disa mënyra kjo ishte ideja ose shpresa. Nuk e di nëse kisha një plan, por thashë se nuk dua të bëj atë që kam bërë deri tani.
