The Weeknd është bërë artisti i parë që fiton çmimin ‘Global Digital Single Award’ dy vjet radhazi, me “Save Your Tears” që kryeson listën për vitin 2021 dhe “Blinding Lights” për 2020. Çmimi do të jepet nga Federata Ndërkombëtare e Industrisë Fonografike, organizata me bazë në Londër që përfaqëson biznesin e muzikës së regjistruar në mbarë botën, për këngën më të shitur në botë të vitit në të gjitha formatet digjitale duke përfshirë transmetimin e abonimit me pagesë, të mbështetur nga reklamat, platformat, shkarkimet dhe transmetimet me një këngë.
Remix i “Save Your Tears” me Ariana Grande arriti në vendin e parë në ‘Billboard Hot 100’ në maj 2021 dhe kryesoi listat në shumë vende. Shefi Ekzekutiv, Frances Moore tha se:
Ka qenë një tjetër vit i shkëlqyer për The Weeknd dhe ‘Save Your Tears’ ka qenë padyshim një nga këngët më të pëlqyera në botë. Ne dëshirojmë t’i dërgojmë urimet tona këngëtarit dhe të gjithë ekipit të tij për fitimin e çmimit tonë ‘Global Digital Single of the Year’ për të dytin vit radhazi, një arritje e jashtëzakonshme.
The Weeknd nga ana tjetër e ka nisur në mënyrën më të mirë vitin 2022, duke u bërë këngëtari më i dëgjuar në botë në “Spotify”. Ai ia ka kaluar këngëtarit Justin Bieber duke arritur numrin e 86 milionë klikimeve në muaj, shifër kjo që vetëm rritet. Suksesi është shtuar sidomos pas publikimit të albumit të tij më të ri “Dawn FM”.
Artisti kohët e fundit ka qenë në qendër të vëmendjes pasi vazhdoi bojkotin e tij ndaj “Grammy Awards” duke refuzuar të paraqesë muzikën e tij për shqyrtim. Këngëtari 31-vjeçar pati probleme në muajin nëntor, kur albumi i tij “After Hours” u anulua plotësisht. Ndërkaq, pas situatës së krijuar mes Rusisë dhe Ukrainës të gjithë janë munduar që të marrin masa. Kështu ka bërë së fundmi edhe The Weeknd.
