Këngëtari shumë i dashur i publikut, Sardi Strugaj ishte sot në Top Albania Radio për të folur rreth karrierës së tij muzikore në të mërkurën artistike që i përket programit, “Live From Tirana”. Teksa po fliste për këngët e tij, përkarësisht atë që quhet “Pushtet”, këngëtari bëri disa deklarata të forta duke tërhequr vëmendjen e dëgjuesve.
Artisti po zbulonte detaje rreth projektit të tij muzikor të quajtur “Pushtet” dhe përse njerëzit sapo lexojnë titullin mendojnë se kjo këngë flet për politikën.
Ai theksoi se nuk bëhet fjalë për këtë gjë. Sardi tha se kënga flet për pushtetin që gjithësecili nga ne ndjen në situata të ndryshme të jetës. Kënga e cila është publikuar gjatë periudhës së shembjes së Teatrit Kombëtar, u kthye kështu në himnin e kësaj kauze. Sardi theksoi se pushteti është një gënjeshtër e mendjes.
Pushteti në vetvete është i vogël, pavarësisht se disa njerëz duken shumë të pushtetshëm, ajo nuk ka vlerë. Është pak a shumë si leku që është një copë letër vlerën e secilës ja kemi vendosur ne. Por marr një shembull të pushtetit që dikush mund të ndjejë. Në momentin që i zgjat dorën një lypësi në rrugë e ke atë pushtetin dhe më pas vendos se çfarë do të bësh (t’ja japësh lekun apo jo). Nuk jam pro të dhënit lekë lypësave pasi mendoj se kjo rrit zinxhirin por po flas për atë ndjenjën që të krijohet brenda.
