Victoria Beckham ishte një nga fytyrat më të njohura në televizion dhe muzikë në fund të viteve 1990 dhe fillim të viteve 2000. Duke qenë pjesë e grupit britanik ‘Spice Girls’, lidhja e saj me ish-futbollistin David Beckham e bëri atë një yll global. Victoria ishte një nga personazhet e famshëm më të kërkuar në atë kohë dhe këngëtarja u kthye në një intervistë për ‘Vogue Australia’. Ndër to, Victoria ka veçuar një nga momentet më të këqija që ka përjetuar në televizion.
Kjo ndodhi në një program të BBC-së, ‘Don’t Forget Your Toothbrush’, drejtuar nga Chris Evans. Ishte viti 1999 dhe modelja sapo kishte sjellë në jetë fëmijën e saj të parë, Brooklyn kur prezantuesi i programit donte ta pyeste për dietën që kishte ndjekur pas lindjes.
Victoria zbuloi se Evans e vendosi në një peshore dhe ka reflektuar për momentin e pakëndshëm që kaloi.
Sapo kisha lindur Brooklyn dhe humba shumë peshë më pas. Kjo gjë i ka ndodhur dhe mamasë sime pas shtatzënisë së saj, por kjo nuk do të thotë që ju keni një çrregullim në të ngrënit. Dhe ai më vendosi në një peshore. A mund ta imagjinoni ta bëj këtë sot?
Victoria gjithashtu u ankua, në intervistën për ‘Vogue’, se ajo ishte subjekt i një faqeje të parë të një gazete britanike që tregonte pjesët e trupit të saj që duhet të humbin peshë. Përveç kësaj, gruaja e David ishte gjithashtu e shqetësuar për kritikat që gratë marrin në mediat sociale dhe për vajzën e saj Harper.
Harper nuk është e përfshirë në mediat sociale, kështu që ne nuk duhet të shqetësohemi ende për këtë pjesë. Por, duke parë se sa mizorë mund të jenë njerëzit, në fakt kam nisur të shqetësohem vërtetë. Ajo është në atë moshë ku trupi i saj do të fillojë të ndryshojë, por ka të bëjë me sigurimin që ne të komunikojmë shumë si familje dhe ajo të rrethohet me miq të mirë. Por është shumë e frikshme, nuk mund të gënjej.
