Sabrina Carpenter habiti fansat gjatë performancës së saj pasionante në MTV Video Music Awards 2024 të mërkurën, ku ajo puthi një alien. Këngëtarja 25-vjeçare, e cila interpretoi tri hitet e saj, “Please Please Please”, “Taste” dhe “Espresso”, shkëmbeu një puthje me një maskotë të veshur me një kostum blu të alienit ndërsa ishte në skenë.
Performanca e pazakontë përfshinte edhe balerina të veshura si astronautë, duke krijuar një atmosferë ‘jashtëtokësore’ ndërsa Carpenter kryente lëvizje të nxehta mes tyre. Sabrina fitoi çmimin “Kënga e Vitit” për hitin e saj “Espresso” në mbrëmjen gala të çmimeve.
Performanca e saj filloi duke zbritur në skenë në një lisharëse ndërsa këndonte “Please Please Please” nga albumi i saj më i fundit “Short n’ Sweet”. Më pas, ajo kaloi te kënga “Taste”, të cilën ajo e interpretoi live për herë të parë – ndërsa alieni dhe astronauti vallëzuan së bashku në mënyrë provokuese. Carpenter, megjithatë, ndërpreu vallëzimin duke shtyrë astronautin dhe duke puthur në mënyrë pasionante alienin. Performanca e Sabrina Carpenter ishte një nga momentet më të përfolura të MTV VMA 2024.
SABRINA CARPENTER YOU ARE INSANE. #VMAs pic.twitter.com/EyCgdH3dJ9
— ANTO (@929SELFISH) September 12, 2024
