Eshte e vështirë të përgjithësohet se sa shpesh duhet t’i lani flokët, por disa shenja paralajmëruese mund t’ju ndihmojnë ta kuptoni këtë. Sipas dermatologes Murphy Rose, irritimi i skalpit dhe flokët me shumë yndyrë janë tregues se mund të jetë koha për të rishikuar frekuencën e larjes.
Flokë të yndyrshëm
Një nga shenjat më të dukshme është yndyra në rrënjë. Flokët e varur dhe pa volum tregojnë se sebumi i tepërt nuk është larguar.
Formimi i zbokthit
Edhe pse zbokthi nuk është gjithmonë pasojë e larjes së rrallë, akumulimi i sebumit mund të çojë në krijimin e tij. Larja e pamjaftueshme mund të nxisë këtë problem.
Kruarja e kokës
Kruarja e kokës shpesh ndodh si pasojë e thatësisë ose mospastrimit të duhur. Kjo mund të nxisë sëmundje të lëkurës si dermatiti.
Flokë pa jetë
Flokët e thatë dhe pa jetë mund të jenë rezultat i pluhurit dhe produkteve të përdorura, si llakët dhe tharësit.
Rënia e flokëve
Rënia e madhe e flokëve është një tjetër tregues i mundshëm se nuk po i lani flokët sa duhet. Mospastrimi adekuat dhe mbiprodhimi i sebumit janë faktorë që ndikojnë në këtë fenomen.
Rishikoni rutinën tuaj të larjes së flokëve nëse hasni këto shenja!