Rrjeti social X i njohur dikur si Twitter, ka filluar të vendosë funksionin që me gjasë deri më tani askush nuk e kishte kërkuar. Fjala është për funksionin e audio dhe video-thirrjeve. Ky lajm nuk është ndonjë befasi e madhe pasi drejtoresha Linda Yaccarino, në gusht konfirmoi ardhjen e opsionit të ri. Ky është një hap drejt revolucionit të X me qëllim që të jetë një aplikacion për të gjithë, siç dëshiron pronari Elon Musk.
![](https://tech.news.am/static/news/b/2023/10/2259.jpg)
Pas hapjes së X-it, disa përdorues i pret mesazhi “Audio and Video calls are here!”, e disa përfshijnë edhe instruksionet për përdorimin e funksioneve të reja. Opsionet mund të gjenden në sektorin “settings” për mesazhe të drejtpërdrejta (Direct Message) dhe funksionet e reja mund edhe të fiken për përdoruesit që nuk duan t’i kenë në dispozicion audio dhe video-thirrjet.
![](https://telegrafi.com/wp-content/uploads/2023/10/1-366-1130x635.jpg)
Së fundmi Elon Musk ka theksuar se X mund të ndalojë së qeni i qasshëm në Evropë për të shmangur rregulloren e re të miratuar nga Komisioni Evropian. Kështu së paku shkruan Business Insider. Musk është bërë gjithnjë e më i frustruar me detyrimin për t’u pajtuar me Aktin e Shërbimeve Digjitale, tha një person i njohur me kompaninë. Sersoni shtoi se miliarderi Tesla, i cili bleu Twitter një vit më parë për 44 miliardë dollarë dhe e riemërtoi atë në X, kishte diskutuar thjesht për heqjen e disponueshmërisë së aplikacionit në rajon ose bllokimin e përdoruesve në Bashkimin Evropian nga qasja në të.