Nëse ndonjëherë ke pasur një fiksim në zyrë, atëherë e di mirë që nuk është thjesht një ndjenjë kalimtare. Ndërkohë që shumë prej nesh mund të mendojnë se është një ide e keqe, ka edhe disa përfitime që vijnë me këtë eksperiencë. Ja përfitimet më të mëdha që do të të bindin që një ‘fiksim’ në punë është më shumë se thjesht një fantazi…
1. Motivim për të shkuar në punë
Kur ke një person që të pëlqen në punë, papritmas çdo ditë duket më interesante. Kush nuk do të dëshironte të zgjohej dhe të shkonte në punë duke e ditur që do të shohë dikë që pëlqen aty?
2. Adrenalina e përditshme
Sa herë që ai/ajo kalon pranë vendit ku rri ti, zemra të rreh më shpejt. Një dozë adrenaline që e bën ditën më dinamike.
3. Përmirësimi i performancës
Në përpjekje për t’i bërë përshtypje fiksimit tënd, ndoshta fillon të përmirësosh punën tënde dhe të ndihmon të jesh më produktiv.
4. Të bën më të kujdesshëm për pamjen
Kur e di që ai/ajo është në zyrë, përpiqesh më shumë për pamjen tënde, nga zgjedhja e veshjeve deri te stilimi i flokëve.
5. Bashkëpunimi bëhet më i ëmbël
Të punosh në projekte së bashku bëhet një eksperiencë më e këndshme. Edhe detyrat më të thjeshta marrin më shumë vlerë.
6. Shkëmbimi i shikimeve
Ai momenti kur sytë takohen është magjik. Një shikim i vogël mund të bëjë mrekulli.
7. Nxit kreativitetin
Një fiksim mund të të nxisë të jesh më kreativ në punë, duke sjellë ide të reja dhe zgjidhje të ndryshme.
8. Mbështetje emocionale
Edhe pse nuk është një marrëdhënie e mirëfilltë, të dish që dikush në zyrë të pëlqen, mund të të japë një ndjesi të mirë dhe mbështetje emocionale.
9. Përmirësimi i komunikimit
Përpjekjet për të biseduar më shpesh me fiksimin tënd mund të përmirësojnë aftësitë e tua komunikuese.
10. Një arsye më shumë për të qëndruar në zyrë
Kur të duhet të punosh deri vonë, prania e fiksimit tënd bën që koha të kalojë më shpejt dhe të jetë më e këndshme. Pra, herën tjetër që do të kesh një fiksim në zyrë, mos e mendo si diçka negative. Në fakt, mund të jetë një nga përvojat më të bukura që mund të kesh në punë.
