Nëse dëshironi të hani në një restorant që ka marrë një ose më shumë yje Michelin duhet të njiheni me disa rregulla. Mos u shfaqni kurrë në lokal pa rezervuar, në mënyrë që të mos lini përshtypje të keqe. Duhet të telefononi paraprakisht për të garantuar një vend duke marrë parasysh që shumë restorante me yje shpesh kanë lista të gjata pritjeje.
Përsa i përket veshjes, dijeni se duhet të visheni në mënyrë të përshtatshme dhe elegante, pa e ekzagjeruar. Në disa vende specifikohet edhe kodi i veshjes.Nëse keni alergji komplekse, është më mirë t’i specifikoni me email një ditë më parë ose në momentin e rezervimit. Heshtni ose më mirë fikeni celularin përpara se të hyni në restorant dhe mos e vendosni kurrë në tavolinë.
Mbani bisedat në një volum të matur për të ruajtur atmosferën e dhomës. Ndiqni rregullat bazë për përdorimin e gotave. Peceta shkon në prehër dhe pirunët e përdorur në pjatat përkatëse ose brenda pjatës. Në lidhje me këtë, është e dobishme të dini se piruni në pjatën tuaj në orën 4:40 do të thotë se nuk e keni përfunduar ende porosinë. Ndërsa në 4.20 tregon se kamerieri mund ta heqë.
Në çdo rast, shmangni përdorimin e blicit të kamerës, i cili është vërtet i bezdisshëm. Ndalohet postimi i fotove në rrjetet sociale në të cilat mund të shihni fytyrat e njerëzve të tjerë të ulur në tavolinat e restorantit.
Kontrolloni me kujdes faturën tuaj përpara se të paguani për të shmangur keqkuptimet. Më mirë të paguani me kartë dhe jo me para në dorë. Për më tepër, është praktikë e mirë t’i lini një bakshish të duhur kamerierit. Largohuni nga restoranti në mënyrë diskrete dhe me respekt ndaj klientëve të tjerë.
