Roboti Ai-Da, ka hyrë në histori si roboti i parë që merret në pyetje nga Dhoma e Lordëve në Mbretërinë e Bashkuar. E emëruar në nder të pioneres së kompjuterit të shekullit XIX, Ada Lovelace, roboti Ai-Da u pyet nga politikanët për marrëdhënien midis inteligjencës artificiale, robotëve dhe arteve. Ai-Da, një robot që është krijuar nga bashkëpunimi i krijuesve të robotëve, Engineered Arts, me ekspertë në Universitetin e Oksfordit tha se:
Unë nuk kam përvoja subjektive, pavarësisht se mund të flas se ku jam dhe varem nga programet kompjuterike dhe algoritmet që nuk janë të gjallë. Unë ende mund të krijoj art.
Ai-Da mund të shohë me ndihmën e dy kamerave, një në secilin sy. Falë kamerave, Ai-Da është në gjendje të bëjë portrete të njerëzve që qëndrojnë para saj. Krijuesi i robotit Aidan Meller tha se:
Gjëja më e madhe që kam parë nuk ka lidhje me faktin se si Ai-Da i ngjan njeriut, por sa robotikë jemi ne.
Ai-Da ndërkaq u tha politikanëve se:
Roli i teknologjisë në krijimin e artit do të vazhdojë të rritet teksa artistët gjejnë mënyra të reja për të përdorur teknologjinë për të shprehur veten dhe për të reflektuar dhe eksploruar marrëdhëniet midis teknologjisë, shoqërisë dhe kulturës.
Krijuesit shpresojnë që roboti do të nxisë diskutime për të ardhmen e inteligjencës artificiale dhe robotikës. Ndërkaq, pamjet e reja në rrjet tregojnë Ameca, robotin humanoid britanik duke imituar shprehjet e fytyrës së një studiuesi në kohë reale me saktësi të frikshme. Ameca, e krijuar nga Falmouth, firma Engineered Arts me bazë në Cornwall, shihet duke imituar disa nga shprehjet e njeriut, duke përfshirë shkeljen e syrit dhe buzëqeshjen.
