Roveri i NASA-s ka gjetur shenja të reja të mbështetjes së mundshme për jetën mikrobike në Mars në një shkëmb në “planetin e kuq”.
I matur rreth 1 metër me 0,6 metra, shkëmbi është mbiquajtur “Ujëvara Cheyava” sipas një ujëvare të Grand Canyon dhe “përmban tipare që mund të lidhen me pyetjen nëse Marsi ishte shtëpia e jetës mikroskopike në të kaluarën e largët”, sipas NASA-s.
Ujëvara Cheyava u gjet në grykën e kraterit Jezero, i cili besohet të ketë qenë një liqen 3.5 miliardë vjet më parë.
“Ne kemi projektuar rrugën për të siguruar që ajo të shkojë në zona me potencial për mostra interesante shkencore,” tha Nicola Fox, administratorja e asociuar e Drejtorisë së Misionit të Shkencës në selinë e NASA-s në Uashington.
Venat e bardha të sulfatit të kalciumit që përshkojnë gjatësinë e Ujëvarës Cheyava mund të nënkuptojnë se uji, dikur kalonte nëpër shkëmb.
Midis këtyre venave ka breza materiali të kuqërremtë në të cilët instrumenti i roverit SHERLOC ka zbuluar komponime organike.
“Është absolutisht e çmendur,” tha David Arge Klevang, një profesor i asociuar në Universitetin e Teknologjisë në Danimarkë (DTU) i cili ndihmoi në zhvillimin e instrumentit PIXL. Një deklaratë nga DTU tha se këta tre elementë nuk janë gjetur më parë së bashku në Mars.
“Gjatë misionit, ne kemi marrë disa matje goxha premtuese, por asgjë më tërheqëse si kjo. Është më e afërta që kemi arritur tek provat e prekshme që dikur ka pasur jetë në Mars,” shtoi ai në një deklaratë.
