Një robot i krijuar në Universitetin Stanford në Kaliforni është duke u zhytur deri te mbetjet e anijeve të zhytura dhe aeroplanëve të fundosur në një mënyrë që njerëzit nuk mund ta bëjnë. I njohur si OceanOneK, roboti u lejon operatorëve të tij të ndihen sikur janë gjithashtu eksplorues nënujorë.
OceanOneK i ngjan një zhytësi njerëzor, me krahë, duar dhe sy që kanë pamje 3D, duke kapur botën nënujore me ngjyra të plota. Pjesa e pasme e robotit ka kompjuterë dhe 8 shtytës me shumë drejtime që e ndihmojnë atë të manovrojë me kujdes hapësirat e anijeve të fundosura.
Dhe kur një operator në sipërfaqen e oqeanit përdor komandat për të drejtuar OceanOneK, sistemi i reagimit haptik, i bazuar në prekje i robotit bën që personi të ndiejë rezistencën e ujit si dhe konturet e objekteve. Kështu, aftësitë reale të shikimit dhe prekjes së OceanOneK janë të mjaftueshme për t’i bërë njerëzit të ndihen sikur po zhyten deri në thellësi, pa rreziqet ose presionin e jashtëzakonshëm nënujor që do të përjetonte një zhytës njerëzor.
Roboticisti i Universitetit të Stanfordit, Oussama Khatib dhe studentët e tij u bashkuan me arkeologët e thellë të detit dhe filluan ta dërgonin robotin në zhytje kohë më parë dhe ekipi sapo përfundoi një tjetër ekspeditë nënujore në korrik. Rikujtojmë, se një kompani franceze ka qenë e zënë duke krijuar një të ardhme bionike për njerëzit që jetojnë me aftësi të kufizuara falë një ekzoskeleti të ri të robotizuar. Shpikja e Wandercraft u mundëson njerëzve të lidhur me karrige me rrota të ngrihen në këmbë, të ecin dhe të bëjnë shumicën e detyrave të thjeshta.
