Këngëtari i njohur Robbie Williams ka thënë së fundmi se fama duhet të vijë me një ‘paralajmërim shëndetësor’. Ylli, i cili ka pasur një sërë hitesh që kur iu bashkua Take That në moshën 16-vjeçare në vitin 1990, kthehet në vendlindjen e tij Stoke-on-Trent për të mbajtur një koncert në stadiumin e Port Vale FC. Rreth 20 mijë fansa pritet të marrin pjesë.
Duke reflektuar mbi karrierën e tij 30-vjeçare, Williams tha se të qenit i famshëm mund të jetë një përvojë “dehëse” por “izoluese”, veçanërisht kur je i ri. Gjatë një interviste në programin ‘Today’ të Radio 4 me redaktorin e BBC-së, Amol Rajan, 48-vjeçari tha se jeta e tij kishte qenë “e pabesueshme” që kur u bë një adoleshent i famshëm. Por ai paralajmëroi se fama ekstreme ishte si një sëmundje dhe duhet të vijë me një paralajmërim shëndetësor, veçanërisht për të rinjtë.
Unë mendoj se ju duhet të dini se kush jeni dhe çfarë jeni. Është diçka që të izolon dhe të bën të ndihesh i çuditshëm. Gjithçka që ndodh jashtë trupit tuaj, me njerëzit që ju shikojnë dhe sillen në një mënyrë të caktuar, ju bën të ndiheni në një mënyrë të caktuar. Nëse nuk jeni aq i aftë për t’u ndjerë mirë me veten, mund të keni një reagim të ashpër, veçanërisht nëse nuk jeni mjaftueshëm i rritur për ta përballuar atë.
Sa i përket koncertit të ardhshëm, Williams tha se ishte i bindur se do të ishte absolutisht i mahnitshëm, por pranoi se kishte ndjenja frike. Rikujtojmë, se rezidenca madhështore prej 50 milionë dollarësh, në pronësi të Robbie Williams, u ble së fundmi nga reperi kanadez Drake. Vila luksoze, një pronë e madhe me 10 dhoma gjumi e vendosur në një sipërfaqe prej tre hektarë tokë në Beverly Hills, besohet se i është shitur yllit të hip hopit në një marrëveshje jashtë tregut, megjithëse detajet financiare rreth blerjes nuk do të zbulohen deri në marrëveshjen zyrtare të shitjes.
