Këngëtarja shqiptaro-britanike Rita Ora ka ndarë rrugët me menaxheren e saj, Sarah Stennett, e njohur si një nga lideret më të fuqishme në industrinë e muzikës. Stennett, e cila ka kontribuar në karrierat e artistëve të njohur si Sugababes, Ellie Goulding dhe Jessie J, ka udhëhequr karrierën e Ritës që nga viti 2009.
Së fundmi, Ora ka nënshkruar në mënyrë të qetë me ‘Range Media Partners’, që e përshkruan atë si një “talent të shumëanshëm”. Ky hap sugjeron se Rita është në kërkim të sfidave të reja, duke u fokusuar në aspekte të ndryshme të karrierës së saj, përveç muzikës.
Burime të afërta me situatën kanë bërë me dije se vendimi për të ndarë rrugët erdhi pasi Rita po largohej gjithnjë e më shumë nga muzika.
Rita dhe Sarah ndaluan së punuari bashkë rreth një vit më parë. Ka vetëm dashuri dhe respekt mes tyre, por ishte e qartë se rrugët e tyre po shkonin në drejtime të ndryshme
Ndërkohë, Rita ka shprehur dëshirën për të regjistruar albumin e saj të katërt, i pari pa Stennett, ndërsa angazhimet e saj në shfaqjen “The Masked Singer” në SHBA dhe një rol në filmin “He Bled Neon” po e mbajnë atë të zënë. Kjo ngre pyetjen se sa lehtë do të jetë për të të gjejë kohë për muzikën.
Ky fillim i ri duket se është zgjidhja më e mirë për të dyja palët, duke shpresuar për sukses në rrugët e tyre të reja.
