Më shumë se 2 mijë emigrantë mbërrijnë çdo muaj në brigjet greke nga vendet e Afrikës dhe Azisë. Autoritet greke thonë se synimi i tyre janë vendet e Europës Veriore.
Gjatë javëve të fundit, autoritet greke kanë njoftuar për një rritje të numrit të emigrantëve nga Afrika e Veriut dhe vende tjetër. Synimi i emigrantëve është mbërritja në brigjet greke për të vijuar më pas drejt vendeve të Europës Veriore.
Ditën e djeshme, një anije me më shumë se 300 emigrantë në bord është ndaluar nga autoritet në jug të Greqisë.
Anija u ndalua në afërsi të Kretës dhe në operacionin e shpëtimit kanë marrë pjesë anije të marinës greke, si dhe disa anije civile që u kanë ardhur në ndihmë.
Autoritet thanë se nuk ka pasur të lënduar mes 300 pasagjerëve. Pas ndalimit kanë nisur proceduat e identifikimit të emigrantëve.
Mediat greke shkruajnë se origjina e emigrantëve është nga Afrika, Azia dhe Lindja e Mesme. Emigrantët paguajnë më shumë se 10 mijë dollarë për të mbërritur në brigjet e Europës. Mesatarisht në brigjet greke gjatë një muaji zbarkojnë 2 mijë deri në 4 mijë emigrantë.