Bugatti, tani i udhëhequr nga Mate Rimac, njoftoi një model të ri. Kompania thotë se makina e re do të ketë një dizajn plotësisht unik të frymëzuar nga modelet ikonë Type 57 SC Atlantic, Type 41 Royale dhe Type 35. Secili prej këtyre modeleve huazon ADN-në e tij për të krijuar një riinterpretim të pastër dhe autentik të markës Bugatti. Javën e kaluar, Bugatti i dha fund ecurisë 8-vjeçare të Chiron me Super Sport L’Ultime, një model i veçantë. Ky model përfundimtar shënon gjithashtu fundin e motorit të famshëm W16 të markës.
Not just for the present. ⁰Or even for the future.
Pour l‘éternité.Embark on BUGATTI’s new era.
20.06.2024#BUGATTI #PourLÉternité pic.twitter.com/5ADVgGIP3v— Bugatti (@Bugatti) June 4, 2024
Bugatti zbuloi së fundmi formën dhe paraqitjen e motorit V16, si dhe efektin e tij zanor, ku drejtori ekzekutiv Mate Rimac dha detaje të mëtejshme në një intervistë në konferencën Financial Times Future of the Car në Londër. Rimac zbuloi se motori punon pa një sistem induksioni të detyruar, ndryshe nga paraardhësi i tij W16 i cili përdorte katër turbochargers. Motori do të jetë një metër i gjatë, 400 mm më i gjatë se ai me katër cilindra nga Chiron.
Pavarësisht kësaj dhe integrimit të një elementi të rëndësishëm të lëvizjes elektrike, makina do të ketë një formë të ngjashme me paraardhësin e saj. Rikujtojmë se pronari i një Bugatti Chiron Sport me 1,500 kuaj fuqi ka arritur një shpejtësi prej 413 km/h në një autostradë gjermane. Por, nuk është vetëm shpejtësia ajo që bën përshtypje. Chiron Sport duket se ka burime të pafundme fuqie. Ndërkaq, Bugatti është disa javë larg prezantimit të modelit të ri me motor V16.
