Një shfaqje unike u mbajt në Javën e Modës në Milano të enjten në mbrëmje, ndërsa stilisti britanik Peter Hawkings bëri debutimin e tij të shumëpritur si drejtor krijues në Tom Ford. Hawkings ka qenë krahu i djathtë për një kohë të gjatë i vetë Tom Ford-it, por kjo ishte përpjekja e parë e tij si drejtor kreativ në veshjet e grave.
Ishte gjithashtu sfilata e parë që kur Ford ia shiti markën e tij të njohur Estee Lauder vitin e kaluar për 2.8 miliardë dollarë, duke u larguar nga detyrat e stilistit dhe duke rekomanduar personalisht Hawkings si pasuesin e tij. Nëse fansat e markës së njohur do të kishin dyshime se kalimi i stafetës do të nënkuptonte më pak veshje joshëse, atëherë e kanë gabim.
Fustane me kurriz të ekspozuar, mini fustane lëkure dhe jumpsuits me pjesën e përparme të hapur, pantallonat e shkurtra me thekë ari dhe fundet me pupla shtuan një dimension spontan dhe lozonjar. Një linjë kostumi me material kadifeje shkëlqyese u krijuar në ngjyrën rozë të thellë pluhur, jeshile pylli, vjollcë e thellë dhe ngjyrë kafe.
Një fillim i ri në një territor të njohur, Hawkings e quajti atë një akt vazhdimësie në një intervistë pas shfaqjes:
Duke punuar me Tomin për 25 vjet, etika e tij e dizajnit është rrënjosur në mua. Ai më ka ndihmuar dhe më ka frymëzuar të krijoj kodet e mia dhe të ndërtoj mbi ato për të ardhmen. Dorëzimi i stafetës së Tom-it padyshim që do të thoshte gjithçka për mua.
Duke pranuar se “ishte disi e frikshme në fillim”, Hawkings tha se marrja e frerëve ishte si një evolucion për të. Ai e ka takuar Ford-in për herë të parë në vitin 1998, pasi mbaroi kursin master me profesorin legjendar Louise Wilson në Central Saint Martins.
